فتاة توثق لحظة تعرضها للتحرّش.. شاهدوا الصور التي نشرتها عبر

عبر حسابها على "فيسبوك"، وثقت الفتاة شروق تعرّضها للتحرش داخل باص من أحد الشباب من منطقة حلوان في مصر.
 
وعلقت شروق على الصور التي نشرتها قائلة: "دي تقريبًا أول مرة اقتنع إن معندناش رجالة، ده لسة حاصل معايا حالًا، أول حاجة عملتها إني صورت عشان لما يقول معملتش أعرف أرد عليه.. بس بمجرد ما زعقت وعليت صوتي لقيت الكل بيقول خلاص يا آنسة ومحدش فكر يتجدعن كدا".
 
وتابعت: "خلاص إيه حضرتك ده بيمد إيده أهيه.. معلش خلاص !.. يعني رجالة كبار بشنبات بيقولولي أسكت لما واحد يمد إيده عليا، ده أنا أصحابي أرجل منهم، إحنا معندناش رجالة فخدي حقك منك ليها واخشنوا، ويبقى حد يجي يقولي أصل لبسك مستفز".
 
وأضافت: "كنت راكبة ميكروباص من حلوان للتبين، وأنا كنت راجعة من درس، وحتى لو مش درس هتقدروا إزاى تحبسوا البنات فى البيوت عشان إنتو حيوانات مش قادرين تمسكوا نفسكم عن بنات الناس، لبسي مش ضيق وشيمش شايفه، شوفوا حجج تبرروا بيها غير دي".

إضافة تعليق
الأسم
موضوع التعليق
النص